Etógan « Alliance bë BRICS » yá zu yaa ngúma étoa á Burkina Faso
Ngúma nsámbá etógan té é ngá tóbán ai Ibrahim Traoré, ndzóe Burkina Faso á ómos mëwóm bè yi a ngoan saman.
« Alliance bë BRICS » a në ngúma ekoan é në nladán ai bë BRICS. Bë BRICS bë në minnam mítáán : Brezilia, Rúsia, India, China ai Áfríka yi a nkiè.
. DZALEU.COM .
« Alliance bë BRICS » a në anënë ai é mínnam mí në ámvóé ai bë BRICS
Ású Larissa Zelentsova, é miníngá a duru etógan té :
« Bíá síe ású yi na bí bii ngúma étoa á Burkina Faso. Etoa té yá yi báman ngul ai nnam Burkina Faso ású yi na é mëzen ndzoe nnam, Ibrahim Traoré, a yi tëlë ósú, më tobo émá bíá yi kè kuli á ngëëng. Mam mëté má bëbë mëtum, mëbugëban, zukulu ai nálā nálā. »©Dzaleu.com
