Mali a bende mbëgë édzoe Amërika
Abdoulaye Diop é ngomëna a bëgë nkobo Mali ósú é minnam mísë mivog a bánda Rachna Korhonen, mbëgë kíƞ Amërika á Bamako.
Ású Abdoulaye Diop, nnam woé wá vë Rachna Korhonen mbëmë : Bamako asíkig mintag ai mimboan mi Amërika.
Ndoaƞ e në na Amërika a dzó na bë nen bëzimbi bë bè yi a Mali bë síkig fë kë a Amërika : Mustapha Sangare ai Lassine Togola. Washington a dzó fë na a yi kánga ai moani Ivan Alexander Maslov, é man Rúsia a dzoé é bod bá voali bëzimbi yi a Mali.
Ású Washington, dzam té a në nladán ai é mam më ngá lodëban á tsisoan Moura.
. DZALEU.COM .
Á woé, bëzimbi yi a Mali bë ngá woé abui bë tërroríst
Vëda ású mintáƞgan, é bod bë ngá wú bësíkig bë tërroríst.
Ású é bod bá timi mam yi a Emominláƞ, é në bivug amú : édí ósú, bëzimbi yi a Mali bá kë dzëƞ dzé á Amërika ású yi na foé Washington é namba bo ?
Édí bè, Amërika a bo mam mëté mësë amú á yi na a fudi mindzug a é ngul dzam Mali a zu bo : á loé nnam á toab ngúma Mvende nen. Bolo Mvende nen té ya tig yi wub mintáƞgán zen, asú té Amërika a dzëƞ ékán a në dëgëlë Mali.
Á ómos áwom ai moom yi a ngoan saman, ayoƞ bod yi a Mali a bëlë na ndá kë woé vót ású yi na bë toab mkpámáƞ,Mvende nen nnam, édzom ba loé a fulansi na « Constitution. »
A mëmaná më ngoan, bá yi fë yem ngë Minusma (bëzimbi bë Onu), bá kódo sí dzába anë ayoƞ Mali ndá síli. ©Dzaleu.com
Mëfóé yi a Dzaleu🎙️ n°9
(ǹkɔbɔ Ekaŋ)
.
Mëfóé yi a Dzaleu🎙️ n°9
(version française)
