Kënya : Dulu Serguei Lavrov, mbëgë edzoé Rúsia
Sergueï Lavrov, é mod a bëgë nkobo Rúsia á nsëƞ minnam misë, a ngá bo ngúma dulu á nnam Kenya, á omos mëwóm bè ai ébul yi a ngoan táána.
A Nairobi, tsisoan nen Kenya, Sergueï Lavrov a ngá tóban a abui bë politík yi a nnam anë Moses Wetangula, é mod a duru esam ntól nnam Kenya.
. DZALEU.COM .
Moses Wetangula a ngá vë nyè ngul efae, ngúma wás mboan ai dzag
Etéré, bivëgëlë é bátsídi bá daƞ tóban ai bo a sí Áfríka : zok, emgbem, zë, nyád ai nála nála.
Ésíkig éyóƞ ósú Sergueï Lavrov a zu yén bë politík yi a Áfríka. Mbú wuina, é në eyoƞ nyina.
Ású é bod bá fas politík, nála wá boban ábóg ábui minnam yi a Áfríka míá dzëƞ në miá zu nyian a étógan bë BRICS, to anë Amërika ai Eropa bá dzëƞ ai mëzen mësë na të dzam té ndá boban. ©Dzaleu.com
Mëfóé yi a Dzaleu🎙️ n°9
(ǹkɔbɔ Ekaŋ)
.
Mëfóé yi a Dzaleu🎙️ n°9
(version française)
