Écouter l’audio de l’article

Á láŋ ǹtil wí á ǹkɔbɔ fulansí
(Lire l’article en français)

 

 

Mínā bə́sə mí gá láŋ dzǎm tə̌ : é mod bá loé Bolloré a nə á ndá mədzó á ǹnam wóé. Bolloré é nye adzóeé mə́fólā bəzitíma bá kág bə́ suugu á fə mim̀bəgə á lodó miǹnam awôm yī á sí Afríca. Éyɔŋ mədzó mə́ kɛ̂ yǎ nā má bi nyé ǎ nga sílī é mēn ńsílí wī á kálada məfwé ziŋ yǎ ńnam wóé nǎ : yi ǎ yean kig dzogɛ África.

Ńkɔ́bɔ̄ wí ó ngá tság á fɔ́ɔ́g bōd yī á sí Afríca á ńnə́m eyə́gan yǎ ḿbə̂ ǹtsáán. Ású dábá,  Bolloré a nə avól á vóan nǎ á é byə́m bísə a ngá kə a bonde á sí Afríca, m̀fí wá daŋ é ngóé, á tɔ̌ fə nálā nâ é mə́zēn ǎ wulu má dǎŋ kig sósǒ.

Marie-Roger Biloa, m̀bonde kálara məfwé “Ici les gens du Cameroun”, āngá yalan nye á kálara məfoé “Le Monde.” Ású dzíé, ǹkɔ́bɔ̄ Bolloré ó nə evovolan ńkɔ́bɔ é tɔ̌ fə nálā nâ a ngá dzə́ŋ ná a télē é mēn étsíé ḿbəmbə mod yǎ á síkíg.

Marie-Roger Biloa a dzó fə nâ, á bə́bə́lá, Bolloré anə m̀bɔ́g yǎé bod bá bɔ̄ nálā ná tə Afríca a bugubanai mimbɔ̌n mí mam míában təgɛ vóan bə̄tə́bə bósú bəvɔ́g yī á miǹnam míán míbēn. ©Dzaleu.com

 Myá yə́n ādzó tē yá ? Byá vógolo mína !

 

LAISSER UNE REPONSE

taper votre commentaire s'il vous plait
entrez votre nom ici s'il vous plait