Kamerun ai Nigeria nladan ai mpkamang ngul ekanga
Nen osoé ba loé na « Cross River » o ne nnyiè mboag a sal Kamerun ai nnam Nigeria.
Osoé Cross River o ne éfa yi a Kamerun Meyimbi-me-Dzob yi a yob a nnam englis.
Ekanga dia é nga be é lad Kamerun ai Nigeria veda a omos lala yi a ngoan,ngomena Kamerun a nga yaa mpkamang ekanga. Ekanga bè té é ne ayab a lodo be mètè minted mi nyi.
. DZALEU.COM .
Mfi o ne amvus ekanga té
Mpkamang ekanga wuina o ne afola nnam ba loé na Eyumedjok. Wa bo be metè minted minyi ai moom.
Nlongan ekang té é nga kè à mimbu mi taan amvus, a mbu toyina é bè ai awom ai zemgbal. Nlongan té o nga noang mimbu minyi, o kele man a mbu toyina é bè ai mewom bè ai mboag.
Ntol mfi yi a ekanga té o ne na wa yi mvet mekid a zang Kamerun ai Nigeria. A ntsogan ngomena, é zen akuma ya lod a ndzoang Bamenda – Mamfé – Abakaliki – Enugu ya yene dugan tebe a ngeeng. Amu é bita bia lodeban a Kamerun nkobo englis, bi nga bo na mekit me suu a si.
A memana, ekanga té ya yi ve voali ndtol ndzoang wa bo na tsisoan Lagos a Nigeria, a tobo nladan ai tsisoan Mombasa a Kenya.
Kamerun ai Nigeria é bo be dang fudi ngul a adzo di
Ongola Ewondo ai Lagos é bo be fudi moni abui asu nlogan ekanga dina.
E nda moni ba loé na « Nda Moni Mebugeban me Afrika » (Banque africaine de développement) é fudi fe mo etéré. Asu ésié yi a China nde a nga long ekanga té (CGCOC Group Co Ltd).©Dzaleu.com
