A evegele : Emballo Sissoco (à mbo-ngala) ai mbege edzoé yi a Guinea (Mamadi Doumbouya)
Si Bivindi esikig vala ne ya tong mintangan a mam mese
Ntol ebug Emballo Sissoco a ve Emmanuel Macron, mbege edzoé yi a nnam Fulansi.
Emballo Sissoco a ne é mod a dzoé nnam Guinea Bissau, a ne fe é mod a duru étogan ba loé na « Cedeao », étogan minnam yi a Afrika Meyimbi-Me-Dzob.
. DZALEU.COM .
Emabllo Sissoco a tsende mintsogan bolo a nga toban ai Poutine?
Amu abui bod a tsog na a ne man mongo bisié mintangan.
A nkobo wuina, Emballo a dzo é bibug bod yi Afrika ba kad kig yen bendzoé minnam miaba be dzo.
Asu Emballo Sissoco, nge bita ai ebulgadzanga bi ne é melu ma a Afrika, adandang a Afrika Meyimbi-Me-Dzob, é ne bolo mintangan, Fulansi ai Amerika osu, be nga woé Mouammar Kadhafi.
« Kadhafi a nga ndzug veda ndzug o nga be ai mfi asu nnam woé !
Saddam Hussein a nga ndzug veda ndzug o nga be ai mfi asu nnam woé !
Meyong yi a minnam mité be nying’i mvoae ai mebugeban. Omos wui, ma sili na yi bod be té ba nying mbeng? Yi be ne a mintang? Ma buni kig éyong bia yen édzam minnam mité bi nga vengan ».
(Emballó Sissoco)
