Áfrika : Ású dzé é në ndzug á tsende ntol mvéndé yi á minnam
Yi mintol mëvendé yi á minnam yi Áfrika mi ngá komban ású yi nā të minnam míté míā bugëban?
Nsili té ó në ai mfí amu ású é bod bá loe bô bëben na bë « Panafricanistes », éyong bá fombô mënén mëvéndé minnam, é ne anē má síé ású yi nā të minnam yi á Áfrika míā wulu mvoae.
Ású dzé minnam míntángán míā dang yaag éyong ǹnám yi Áfrika wa dzeng në wa tsende mvéndé ósú dzie
Ású bē « Panafricanistes », adzó té dá dang fë bëbë é minnam mí ngá tôbô étibili bë Fulansí. Á tôt fë n’a bë Fulansí é bô bé ngá til til mëvéndé mëté á nfang nfang asú té má biandi mëtum Bívíndi ai feg ǹnám. Nálā ó ngá boban ású yi nā tum mintangan é dzo é tôbô á yób. Ású yi nā tum mintangan é dzo é dzoe minnam yi Áfrika tô anē bë tsog na bē në filí.
Míntángán mi ngá tëlë mam nála ósúsúa yi nā ba kë amú é ngá bé zen yi a ke ai ngilína étibili ósu. A tôt fë na nálā wa vôli bô á tônē dzíb akúmá yi a Áfrika.
Ású té dá kad bô na minnam míntángán au bëndzoe bábá é bô bé télé ósú éyong ǹnám yi Áfrika wa dzeng ne Wa tsende anen mvéndé dzie. Dzam té ndë bíá yen á Centrafríka au Mali.©Dzaleu.com
