Francia Márquez, ngoan evindi yi a Colombia, mbege edzoé bè yi a nnam té
Francia Márquez a bele mimbu mewom nyi. Ntomba ngoan evindi té é ne é mod a zuu amvus ndzoe nnam. Eyong osu di man evindi a kui akiae nkon té a Colombia.
A Amerika yi a nkie, é bivindi bia nying woé bisikig abui. Enying dzaba é ne fe ndzug ane édi é bivindi bivog yi a Emominlang. Veda abui da yidan asu yi na mam me tsende.
. DZALEU.COM .
Za a ne Francia Márquez?
Francia Márquez a nga noang etoa ndzoe bè yi a nnam a omos zemgbal yi a ngoan moom yi a mbu wui. E sondo atsaa, nde ayong dzié a nga ve nyè ntotoo maama ai ngul edzeme abog a telege metum bivindi yi a Colombia ozondom.
Asu Francia Márquez , é nga be mfi na a bii metaman ai maa ayong dzié asu ésié ya yanga nyè.
A ntol ebug woe, Francia Márquez a nga dzo na esié dzié ya yi dang bebe é dzam di : a tele bininga a zang mebugeban me nnam. ©Dzaleu.com
Nlang wa ke a fulansi muna
