Sudan : Amerika a yi kig na Rusia a tele étogan bezimbi a woé
Edzoé yi a Khartum ya dzo na é bada ya tindi ntsogan wa yi na Rusia a zu long nguma etogan bezimbi a mang yi a Sudan.
Dzam té ya tsag Amerika abui a nnem. Bod ya Washington ba dzo na nge Rusia a zu a Sudan, nnam té o ben wa yene yem na abé a ne dzam kui été.
. DZALEU.COM .
Mbege édzoé Omar el-Bechir ai Rusia
Omar el-Bechir, é mod a nga be a bege édzoé yi a Sudan osusua yi na bezimbi ba tsidan nyè étoa, é nyè a nga loé Rusia. Amu yi na Sudan a ne afola abui minnam, adandang mintangan yi a Amerika ai Eropa, ba dzeng na ba dzoé zen mang. Amu é mod a dzoe zen té a bele ngul a kad é ba bevog é dzam ba yene bo.
Omar el-Bechir a nga loé Rusia amu a yeme na Rusia asikig king ai Amerika. A yigi fe na Rusia a voali nyè a bii mengal. Nde a nga dzo Rusia na : nge ma ve mina afola a zen mang Sudan asu yi na mi long nguma étogan bezimbi, mia mia yene bi voali.
Veda bolo el-Bachir a nga dzê étoa, nde mam meté mese me nga tebe. Etodi, nen bezimbi yi a Sudan, al-Burhane, a dzo na dzam té da zu ke osu (…)
©Dzaleu.com – O.B.
Nlang wa ke osu a fulansi muna
