Afrika meyimbi-Me-Dzob : Enying bod yi a Niger a yi dugan kui a nseng é sondo nyo
E kalada mefoé ba loé na « Evènement Niger » é nyè a tié bia doang té. A omos mewom bè ai lala yi a é ngoan é nga lod (ngoan ebulu), esoan « M62 » é nga banda bentil mefoé asu yi na ya lom mbanda : a sondo, omos ebul yi a ngoan nyina, bod besse ya Niger ba yene kui a nseng. Dulu té a ne asu yi na ngomena a voali nnam amu biem bise bi to ya dia, bod tègè ai moni.
. DZALEU.COM .
Esoan « M62 » ya bo fe dulu té amu ya yi na bezimbi be Fulansi be kodo nnam waba
« M62 » a dzo na dzam té ya yi kig boban ve a anen tsisoan nnam (Niamey). A é me tsisoan mefé yi a nnam, M62 a sili bod na be kui a nseng. M62 a yi na a memama é bod ba yi kui be tobo toyina minted minted.
M62 a dzo fe na bazoum, é mod a dzoé nnam, a ve émen ossama ai é bibug a nga bii asu enying bod. bazoum a nga noang dulu yi a ngoan ebul M62 a ne fianga. Asu té M62 a dugan dzo bod ya Niger na te ba kuu wong, be kui foa a nseng abui asu yi na be fed Bazoum anyiu, ai na be tsidan be Fulansi. ©Dzaleu.com – O.B.
