Nnam Burkina : Bia tam vogolo Ibrahim Traore to ane a kobo a ngobi mefoé be Fulansi
Ntsogan waan :
Ibrahim Traore, é mod a dem noang étoa a nnam Burkina, a yene noang fulu manyang yi a nnam Mali, Assimi Goita.
Bo beses be ne ban bezimbi. Bezimbi ba kobo kig abui, adandang fe nge é bo ba dzoé nnam.
Bi nga sili fe na, eyong Ibrahim Traoré a ke kobo a ngobi mefoé be Fulansi, y nala o ne é dzom a yene bo?
. DZALEU.COM .
Asu Jonathan Batenguene, to ane Ibrahim Traore a yene kig yalan minsili mengobi mefoé mese, é ne fe mfi ékan a yalan ngobi mefoé be Fulansi.
Asu mod ya Kamerun té, é dzam da lod a Burkina ai si Afrika, é ne fe dum bibug, dum minkobo. A biyalan bié, Ibrahim Traore a lede na a bele feg.
Foé fe ya bia wog a ewali bivegele di é ne na nnam Burkina ose wa yi toban asu yi na be fas ékan be ne dzam dzeng mezen fudulu a voali ayong. Dzam té da yi lodeban osusua memana me mbu. ©Dzaleu.com – M.Z & O.B.
