Burkina Faso : Damiba a yebe na lig étoa nnam
Damiba, é mod a nga vaa Kaboré étoa a ngoan osu yi a mbu wui, nyè fe a nga dzê etoa a sondo melu me bè yi a ngoan nyi.
Ibrahim Traore, man bezimbi fe, e nyè a vaa nyè étoa. E bezimbi be dem noang ezdoé ba dzo na Damiba a nga be kig fe a wulugu a ne be nga yili : a kaman ai nnam.
. DZALEU.COM .
Damiba a nga ke soaba a Togo amvus nkodan étoa
E ne a sondo nde Damiba a nga yebe na a zu osu bod, asu yi na a kad bo na a yebe kodo etoa. A kègè a sondo melu mebè, ayong bod yi a Burkina, binanga osu, be nga bombo a nseng melu mebè asu yi na te be Fulansi ba zu dzeng bod be Ibrahim Traore medzo ai bita.
Asu ayong bod yi a Burkina, abui bod, adandang binanga, be nga be be wogo olun abui ai Damiba amu a dikig tsig ai be Fulansi. Asu binanga yi a Burkina Faso, Fulansi enyè a ne amvus mintié miaba. ©Dzaleu.com – M.Z & O.B.
