Nnam Burkina : Ibrahim Traore afola étoa Sandaogo Damiba

A andzogodo bezimbi a nga luman ai bod be Damiba angogè a noang étoa nfang nfang.

Bezimbi be té be nga lang fe foé té angogè a anen ngobi bivegele yi a nnam. Nen man bezimbi, Paul-Henri Sandaogo Damiba, a nga noang étoa a omos mewom bè ai nyina yi a ngon osu yi a mbu wuina, asikig fe ndzoé nnam.

. DZALEU.COM .

Man bezimbi e nyè a noang étoa

A nkad foé waba a anen ngobi bivegele nnam, andzogodo bezimbi a noang étoa da dzo na mpkamang ndzoé nnam a ne fe man bezimbi, Ibrahim Traore.

E bezimbi be dem tsidan Damiba ba dzo fe na anen mvendé yi a nnam ya tam tebe. Be man fe vaa é bod ba dzoé ngomena nen.

Mpkamang anen mvendé yi a nnam ya zu

Andzogodo bezimbi té a kobo fe adzo nfedan mezen ai mindzong mia ke é minnam mivog.

Bod besikig dzam kui a nseng a zang mewola ebul yi alu ai mewola taan yi a melende me kidi.

Bod be Ibrahim Traore ba dzo fe na nnam wa yi bii mpkamang anen mvendé.