Metoban obobon : China, Malabo, Algeria ai Egypten nsamba
A ékanga : Simeón Oyono Esono, é ngomena a bege nkobo Malabo osu Emominlang (A mbo-ngal) – Wang Yi, mbege nkobo China (A mbo-nnomo)
A fefel ngul etogan « Onu » a Amerika, mbege king China ai ba mbege king Guinea Equatorial be nga toban. Bebege king Algeria ai Egypten be nga be fe a metoban meté.
Asu Wang Li, Pekin a yi ke a ai mvean ngul Malabo osu.
Malabo a yebe na Taiwan a ne nlandan ai China
Asu Monti Simeón Oyono Esono, mbege nkobo Malabo, nnam woé o ne king ai China adzo da bebe Taiwan. Ebug té ya bebe é mam Amerika a bo asu yi na a tsam Taiwan ai China.
A ngoan moomo yi a mbu wuina, Nancy Pelosi, é mininga a dzoe esam ntol nnam* Amerika, a nga dzo na a ke a taiwan a obili, tege bisi mbenan China. Adzo té a nga kuli abui minkobo a zang Amerika ai China, bod be be badega na yi anen bita bia zu kè.
A metoban a zang-zang China, Malabo, Algeria ai Egypten, Wang Li a nga dzo fe na nnam woé wa yi baag ngul ai Algeria asu yi na mvoae é tobo a Emominlang. Asu Egypten, Wang Li a nga dzo na Pekin ai edzoé yi a Egypten ba yi ve baman ngul abui mezen, adandang é dzam da bebe akiae mebog ma tsende.©Dzaleu.com – O.B.
