Burkina Faso ai Rusia ba yi ne ba wono esié fufulu
Mbanda nda edzoé yi a nnam Burkina faso o nga til wuili.
Damiba, é man bezimbi a nga tidan Kaboré a étoa édzoé nnam, ba a Sergeui Lavrov, mbege nkobo yi a Rusia, be nga toban. Metoban meté me nga lodeban a tsisoan New-York é sondo a nga lod. A woé nde mikunda minnam yi a Emominlang mi ga ke toban asu etogan « Onu ». ©Dzaleu.com – O.B.
Asu Burkina Faso, esié fufulu dzié ai Rusia ya yene wonoban
Nala wa yi bo na minnam miaba mi bii nfang mfi ai esié fufuku té.
Mbanda nda edzoe Burkina o bo na bod be dugan simezan mbanda nfe, a ngoan moomo. Albert Ouedraogo, ngomena nen yi a Burkina, a nga dzo na nnam woé o ne étam a yem za a bele na a sié ai nyè.
Ebug té é nga be é namba be Fulansi. A Burkina ane abui minnam yi Afrika Meyimbi-Me-Dzob, abui bod nda sili na be Fulansi be kodo nnam waba. ba dzo na meboa maba me ne nlandan ai ékan be Fulansi ba noang akuma nnam. ©Dzaleu.com – O.B.
