RCA : Bangui a bii bezimbi bebè yi a nnam Fulansi
Steve Tangoa, é mod mboag ya é ba ba ve Touadera melebega, a dzo na foé té é ne nfang. Bezimbi bebè yi a nnam Fulansi be ne mbian a Bangui. Adzo té a nga lodeban angogè, sondo melu me taan yi a é ngoan nyina.
Monti Tangoa a dzo na bezimbi be té be dikig sili afeb beneng bese ba yene bii osusua yi na ba nyièn a nnam RCA. Bezimbi be té be dikig sili afeb té a titsoan Paris, amu nala o yigi bo na be lod nbeban mefep yia ngomena RCA a sili.
. DZALEU.COM .
« Bezimbi be té be tsog na ba yi bii mefeb me nyian nnam a Bangui. Nala wa yene tsende ! Ngomena Bangui a nga bo nala asu yi na a voali é beneng ba sô a é minnam Bangui a bele kig nguma nda woé.Omos wuina abui bod a nga noang ya zen té enonoang ! »
nala nde Monti Tangoa a dzo. A kad fe na ngomena a dzeng n’a tone yem asu dzé bezimbi be té be dikig bo mefeb a Paris.
« Nge bezimbi be té be dikig mvang, ngomena a yi bo dzogè veda Minusca a yene sié fufulu ai Bangui, a yene kig dzogè é bezimbi ba sié ai nyè a nyian nala a RCA » (Steve Tangoa).
Nda be Fulansi a Bangui é bikig yalan ntié yi adzo té a kui a nseng
Mbu o nga lod a ngoan bè, Bangui a nga kè ya bii bezimbi be Fulansi be nyi. Asu Paris, be nga be vala ne ba zu lede nen bezimbi Fulansi a sié asu ONU. Asu abui bod yi a Afrika, bezimbi be té be nga be vala ne ba zu woé Touadera amu a tele ya abui mam asu yi na etibili Fulansi é man.
Source : Azertag
