Mali wa vë nda bivëgëlë TV5 mbëmë mëmana
E nda bivëgëlë fulansi ba loé na TV5 Monde ya yënë bo okálá.
Nala ndë ngomëna nen mam mënda bivëgëlë ya Mali ya dzó.
Ousmane Ndiaye, é mod a dzoé ésié ya duru mam bivëgëlë, a ngá bende TV5 Monde ai ntól ebug a ómos awom ai taana yi a ngoan taana.
. DZALEU.COM .
Moura a në éfa yi a Mpoti, a zaŋ nnam
Ású Bamako, mbëmë woé o në nladan ai ékán TV5 Monde a ngá tié ndoang é mam më ngá lodëban á tsisoan Moura.
A woé, bëzimbi yi a Mali bë ngá woé abui bë tërrorist. Vëda ású mintáŋgán, é bod bë ngá wú bësíkig bë tërrorist. Ású Mali, TV5 a në évus amú a ngá kë ngam ai mintáŋgán.
Ésíkig éyoŋ ósú di Mali a vë mbëmë ai adzó Moura. Mbú ó ngá lod, RFI ai France 24, mënda mëfóé yi a Fulansí, bë ngá yén anë Bamako a tsig bo evee ngul á dzó minbandá a nnam Mali.©Dzaleu.com
.
Mëfóé yi a Dzaleu🎙️ n°8
(Ǹkɔbɔ Ekaŋ)
.
Mëfóé yi a Dzaleu🎙️ n°8
(Version française)
