Burkina Faso : Zoungrana a ligi a mimbog
To ane abui bod a nnam ba yi na Zoungrana a kodo a mimbog, é dzam da dzoe mam me lowa bezimbi a tigi adzo té angogè. Da dzo na Zoungrana a yian ligi a mimbog.
Zoungrane émen a ne nen man bezimbi ai nkong ba loé na « Lieutenant-colonel ». A nga ke a mimbog a ngoan osu yi a mbu, ban melu osusua yi na Kabore a dzê étoa ai na Damiba a noang afola dzié.
. DZALEU.COM .
A kuli Zoungrana a mimbog wa yi mvede mpkamang mbege edzoé
A memana me ngoan ebul, ngoan moom ntié a ne Kaboré à nga dzê etoa, Damiba émen nyè fe a nga dzê édzoé.
Andzogodo binanga bezimbi nde a nga bo dzam té. Me nga be nduran ai Ibrahim Traore. nnam ose, adandang binanga, bi nga be fe bo amvus.
Etodi, abui bod adandang be « Panafricanistes », ba dzo na nge Ibrahim Traore, mpkamang mbege edzoé, a kuli Zoungrana a mimbog, nala wa yi nyè mvede. ©Dzaleu.com – O.B.
Nlang wa ke a fulansi muna
