Fulansi : Yi ba yi tig bod ndal-bobo a zang alu tege bo sili?
Abui bod da sili nsili té adandang fe na abog nen ayeb a ga zu ya. Yi nnam Fulansi, ane é minnam yi a Eropa mivog mia yi bii é dzam ya ve bo ndoan ai duguru étié ya yian?
E bita bia lodeban a Ukrenia bia lede na Eropa a ne ngam ai Amerika asu yi na be tibili Rusia. Veda bebela a ne na Rusia enyè a ve Eropa abui biem bia duru nnam ane gaz, bidi, ai nala nala.
. DZALEU.COM .
Eto fe na é minnam mia kuan ai kalasina, mi ne ngam ai Rusia. E nga bo na é melu ma, abui mam a nga dzeman yi a Eropa ane mboan nda nnam ngelik kalasina. E dzam bod bese ba bada é ne na, eyong ngul ayeb da yi tobo, Eropa a dzeman ai é dzam da ve ayong a menda, a durugi fe ndal-bobo.
Asu yi na te dzam té da kui, ngomena Fulansi a fas abui mezen
A mezen meté, ngomena Fulansi a sili bod na be suu nbelan mam mezing a si, ane é bensina ba sob biyé ngekig bisoa. Ngomena a sili bod na be dang belan ai bensina beté a alu.
Ngomena a yi fe na alu, é ban mendeg ba bo na ndal-bobo a wulu, me lad tebe man eban. Veda abui bod da yi kig nala amu ba dzo na ngomena a bele kig na tele bo ndal-bobo nala. ©Dzaleu.com – O.B.
Nlang wa ke a fulansi muna
