Fulansi – Abui moni asu yi na EDF a dugan tobo édzoé nnam
EDF a ne nen nda esié wa duru é mam ma bebe engengeng a nnam Fulansi.
Engengeng esikig ve asu menda me bod eyong alu a kui ya. Engengeng é ne fe ai mfi asu yi na é menda bisié ma kom minsina me wulu mvoae.
Asu té nnam o ne fili osikig dzam dzogè na nnam mfe engo o zu duru mam me engengeng moé.
E ne fe nala asu memdim ai bidi. Asu té abui bod adandang be « Panafricanistes » ba kad dzo na minnam yi a Afrika misikig fili amu engengeng, bidi ai memdim ngekig mebala, bod befe é bo ba duru mo.
. DZALEU.COM .
A Fulansi, ngomena enyè a duru EDF
Ngomena Fulansi a bele 84% yi a EDF veda ayi na a bii 100%. A omos sondo melu me taan, omos nyina yi a é ngoan nyi, ngomena Fulansi a nga kuli nguma foé : nnam wa yi yaan abui moni asu yi na EDF a tobo ve asu nnam.
Nlang wa ke osu a Fulansi muna veda é dzam bi ne dzam dzo ane eyilega é ne na : a minnam yi Afrika, mintangan ai bod yi a FMI, Banque mondiale, be nga tindi be ngomena yi a Afrika a kuan ai engengeng, memdim ai nala nala. Veda asu daba, ba dzeng mezen mese asu yi na té ya boban nala.©Dzaleu.com – O.B.
Nlang wa ke a fulansi muna
