Mvǝt Oyǝŋ : Bǝkálada bǝfé mí nǝ láŋ
A yong Ekang, Mvǝt é akeng, azig, feg osu, mam ya nsisim.
Asu be Fang-Beti, Mvǝt é ne ayege ai kelada osu.
. DZALEU.COM .
« Mvǝt Oyǝŋ ! Abim abǝŋ dzam té ! »
Asu é mod a vogolo Mvet eyong osu, ndzug na te a kam nala eyong Mvet ya mvet nyè nnem ! Eyong king mbom Mvǝt ya ke ai nyè oyab !
Omos wui adandang a be tsisoan, ndzug a yen ngekig a vogolo nfang mbom Mvǝt ane okoba. Ngang ai ndal-bobo ai é mefola bod ba fudi mengobi bivegele. E nga bo na to ane be man ya dang, bi ne dzam vogolo abui bilulua ane Zue Nguema, Akué Obiang, Asomo Ngono Ela, Eyi Mone Ndong ai nala nala.
E bǝkálada mí nǝ láŋ
Mod a ne dzam bo ya é melu ma nge a yi na a wog Mvet Ekaŋ veda nsug a dzam nkobo ?
Nde mod a ne dzam toone wog Mvǝt ya nge be dikig nyè wegele a toone wog minlang mité?
E bekala ba be nga voali ma a nyièn a « nnam Mvǝt », ma fidi na ba yi fe mina voali.
Bǝkálada bǝ Tsira Ndong NDOUTOUME
Asu é ba ba yi ne ba ke oyab okoba
E kalada nyo a nga tiliban a mbu 1960 !
Abui yi a bebia a nga ben a bikig biali.
Herbert Pepper, man fulansi a siègè ai Orstom (nda mintangan) enyè a nga ke noang bibug bi Tara Zue Nguema, om Mvǝt yi a Anguia (Gabon) a ngoan awom yi a mbu 1960. Nde a nga kuli nguma kelada ai Mvǝt té : « Un M̀vət de Zuɛ̀ Ǹgəmá, chant épique faŋ » – Herbert Pepper – Ed. Armand Colin.
A ewali evegele, ma kab mina man abeng Mvet « Viri Viri » Tara Akue Obiang yi a Gabon.
Ma fidi na ntil wui wa yi mina voali !
©Dzaleu.com – Minsili Zanga
