DZALEU.COM : African Lifestyle magazine - Paul Biya, président du Cameroun
Kamerún, MƏ́FÓÉ

Biya a sili é minnam mivog nâ be tele voali é bod ba yi Kamerun amala

Share this post

Biya a sili é minnam mivog nâ be tele voali é bod ba yi Kamerun amala

Mbege édzoé yâ Kamerun a be bele nkobo a ewali bivegele yâ nnam (CRTV) ai radio angogè.

É foé osu bia nyé a ntol ebug mbege etoa é ne na : nnam ose wa yi toban a memana me ngoan. Biya Bi Mvondo a dzo na Dion Ngute é nyè a yi duru adzo té. Nnam ose wa yi tobo a si asu yi nâ o taag é mam ma degele a nnam.

Biya a dzô na é bod be ga dzeng ne ba daman nnam ma ligi a mimbog

É bod be ye tsog na ntol ébug Biya a yi bebe é mam me tii ai Maurice Kamto ai é bod bese bevog be ne a mimbog be bo evus.

To ane Biya a dikig tud biyolé bi bod beté, mbege étoa yâ Kamerun a dzo na é bod ba dzeng ne ba daman nnam, ba yene yalan osu mvende nnam.

Biya a sili fe é minnam mivog nâ be tele voali é bod ba yi Kamerun amala

Asu mbege édzoé yâ kamerun, nge é minnam mia ding yâ anyu a mam me Kamerun mia sangan foa nfang nfang asu evuvoé Kamerun, mia yene bo é dzom é ne tetele asu yi nâ é bod ba yi Kamerun abè, a ba nying a minnam mité, be tele dô.©Dzaleu.com

Nlang wa ke a fulansi muna

You may also like...

Leave a Reply

Your email address will not be published. Required fields are marked *