Dzaleu.com : eSwatini, ex-Swaziland
BIÁ DIŊ, Mәtúm

Ǹtsədán biyolé minnam : eSwatini (ex-Swaziland)

Share this post

Ǹtsədán biyolé minnam míán : eSwatini, mpkámán eyolé ex-Swaziland

A zaŋ « Afrika yâ Sud » ai Mozambika, bi bele Nnam be loégé na « Swaziland ». Mbu o ga lod, nnam o ga be o samba etun nted abog etoa fili dzaba. Nde a fo Mswati III, nkukuma waba, a ga kuli ngul foé a ngoan niina yâ mbu té : eyolé nnam à kègè amos té e ga tsende. Omös wuina bia yene dzo na « eSwatini » a tilan ne na : « Nnam ayong Swati » a nkobo waba.

Asu nkukuma e-Swatini, eyong abog etoa fili abui minnam yâ Afrika e ga so, abui a ga toab na da tsende e biyolé mintangan mi ga ve bo. Nnam woé o be kig dzam ke ai eyolé mintangan osu nala.

Efa ya Kamerun, bi ne « mingɔ́s » ai eyolé « Osoé mingɔ́s » ga ?

E sonda a dem lod (sondo melu mebè ya é ngoan nyi, Biya Bi Mvondo a ga til Nkukuma eSwatini asu abog fili daba (6 septembre), bi ga sili nâ : yi Kamerun ngekig minnam mife mi ne dzam noang zen eSwatini?

Aná abui meking da bed, a siligi nâ Afrika a tam lig é mam mese mintangan mi ga zu nyè fudi á obili. A muna, bia taag mina ane Senegal a yi noang mimbu mi taan asu yi na a kuli minkunda bekalada bà lè minlang yâ okoba ai king ai mintsogan bod yâ Senegal. Dakar a yi fe na a tsende ekan ayege (zukulu) á wulu woé asu yi nâ bongo yâ Senegal be yen melu yâ okoba ai mis bebondé baba.

Asu nnam Kamerun, ye bia fe bi ne dzam noang zen té ? Za a yem kig nlang wuina : be Portuges be ga yen abui mingɔ́s a osoé ba loé na Wuri. Nde foa be ga loé si Kamerun nâ : « Osoé mingɔ́s » (Rio dos Camaroes). Se fe bi bege eyolé « Kamerun ». Nge bia dzo do Ewondo, bine « mingɔ́s » ga ?

Asu be tsisoan yâ Afrika, mia yén do ya ?

Ntameni noang « Yaoundé. » Ye bine dzam sié asu yi nâ « Yaoundé » a tobo « Ongola Ewondo » ? Nsili o ne nâ, asu be tsisoan ane Abidjan, Libreville, Brazza ai nala nala. Biyolé bifé bí ne dzâm noang a minkobo yâ meyong (à targi a minkobo é meyong me ne boan yâ be tsitsoan be té) ? ©Dzaleu.com

Míá diŋ esié bíá bɔ múna ?
Vaani bíá ngul hḿ !


You may also like...

Leave a Reply

Your email address will not be published. Required fields are marked *