Ekom nlo bongo ai miyon : Dzé mi ne dzam bo

Ekom nlo bongo ai miyon : Dzé mi ne dzam bo asu yi na mi kom bongo nlo nnem amieng

Za a yem kig akiae bongo ba kad yon eyong ba yen faag !

E di osu, a dzeng na a yem asu dzé mongo a yon.

Amu nge miyon mia kad zu abog ase, nala na mongo a wog foa mintié eyong mia fen nyè.

. DZALEU.COM .

Ban melebega asu yi na adzo miyon a man

Asimba zing asikig étédé, mia yene yem noang gab ai esil bivindi !

Man mvulena : mvende tege yas esil evindi ai é man fag a bele ban mesong.

Mia yene fe yege a bo na esil mongo é te tobo aled aled.

Osusua yi na mia yas nyè nlo, mi ne dzam tam fudi ban memdim ai é dzom ba loé na « vaporisateur ». Mi ne dzam noang nfuban memdim yi a nkoang, mi baman ai man nboan, ane mboan menyenge. Mi suguzu, abog té mia fudi esil mongo asu yi na é teg.

Bia toone mina taag melebega me té a ntil wuina. ©Dzaleu.com – A.B.