Non classé

Burkina Faso : Etogan bezimbi ese ya yebe Ibrahim Traore

Burkina Faso : Etogan bezimbi ese ya yebe Ibrahim Traore

Esoa étogan bezimbi yi a Burkina Faso ya dzo na ya yebe edzoé Ibrahim Traore.

Foé té é kui a nseng amvus metoban esoa té a sondo. Ba dzo na bo bese be ne king ai é ban bezimbi be nga tsidan Damiba etom yi na a bo mam a mesoé ai mintangan yi a Fulansi.

. DZALEU.COM .

Efa dzié, Ibrahim Traoré a ve bezimbi be té ngang. A banda fe é bezimbi be ne a obobon bita na be tobo odidiga, be ke ai mbembe esié osu asu yi na be kaman ai nnam.

Ibrahim Trore a ne é man énanga bezimbi a nga noang étoa a sondo melu me bè. Ayong bod Burkina Faso, a ba dzo na ndzug waba o ne mintangan yi a Fulansi, a ne ai nyè amvus abui. Mikunda mikunda mi bod mi nga bombo a nseng melu mebè étom yi na ba kaman ai nyè.

Damiba a tub ya nnam

Foé é ne na Damiba a ne ntuban, a ke ya kui a nnam Togo. Asu enying bod Burkina Faso ai é bod ba loé na be « Panafricanistes », ntuban Damiba wa lede foa a ngeeng na mod té a nga be a sié asu be Fulansi. A nga be kig vala asu mfi Burkina Faso. ©Dzaleu.com – O.B.