Ǎ bəfám, m̀fúbán wá bɔ hḿ nǎ bə́ dziŋ mínā !
« Biníngá ba dzo na… » a nə é mān vóm biníngá bá dzó bə̄bə́lá á fiaŋga.
Á nɔŋ ńdzǔg ai nyɔl ésíkig və dzǎm bīnínga. Ǎ bə̄fám tóóni hḿ láŋ. Bá kad hḿ kig mínā ná mí bɔ nyaŋgá ānə́ bīníngá dzam dá é mod ǎ nɔŋ ǹdzǔg ai émēn a bɔ hḿ nǎ bə́ yi nyé !
. DZALEU.COM .
Byá dzó ai é fám yǎ yean bī ḿbəmbə ekob, m̀bəmbə nyɔ́l, məlɔ́ mīḿfúban, məsǒŋ ńsobán ai byé ḿbəmbə ǹtsígán tə láŋ é byə́m bísə bivɔ́g.
Tǒ ndə wǎ yi kig wóg bīníngá bə́ dzô nálā biníngá (á dāŋ daŋ ngə́ bá dziŋ mod ziŋ nyílī) bá bəbə hḿ ébān mam mə́sə málā.
É dzí á nə́ bíā á minnə́m :
Éyɔ̄ŋ myá yén bía bí wulugu bəfám bəziŋ á ḿvús yá daŋ kig bɔ ású é byə́m yǎ bod bá kad daŋ kǎd tsɔg: mɔní, dzé ǎ bɔ, ai é mam mə́sə məvɔ́g.
Bə́sikig abuí á kād mínā dɔ́ ḿból bá yi kíg nā bá fudi ǹkǔ á ngālí dzabán, dzóm é nə dzíá ǎ bəfám, m̀fúbán wá bɔ hḿ nǎ bə́ yī mínā ! ©Dzaleu.com
