Nnam Haïtia : Bod ba ben bëzimbi yi a etogan « Onu »
Mëlú mëlú á na, bod yi a nnam Haïtia, adandang á tsísoan Port-au-Prince, nen ongóla yi á wóé, bë në á nsëng. Bá wulu amú bá yi kig na bëzimbi yi a « Onu » bë zu a dzal dábá.
Ású bod yi a Haitia, é në Áméríka ényè a në ámvús dzam té, tõ anë ngomëna osú, Ariel Henry, ényè a lóé bõ.
Bod bá dzó nā Áméríka a dugan yi na a bëdë etíbílí díé á Haitia. Áméríka a yi na a bõ nalá ású yi na á toonë dib akúmá yi a nnam anë a kad yi a sõ a bõ.
. DZALEU.COM .
Bod yi a Haïtia bá wog fë olún ai Ariel Henry
Ariel Henry à ngá nõng etõ ámvús awú Jovenel Moïse, ndzóe nnam. A ngá wú mbú ó ngá lod, a záng-záng mam më okõn covidia.
Ású abui bod, Áméríka a yëm ndõng awú té amú Jovenel Moïse a ngá bë ékán mbëgë edzoe a dzëng na a vaa nnam wóé étíbílí. Jovenel Moïse a bënë fë mvang covidia ású ǹnam wóé.
Á tsísoan Port-au-Prince, tõ anë bëzimbi bá tídan bõ bë yid fë bõ, bod bá kë ai dulu dábá ósú. Abui dá síli fë nã, ású dzé etogan « Onu » yá kë kig ai bëzimbi bóé á Ukrenia éfa minfang bítá bí në.
Éfa yi a etogan « Onu », bë ngá tóban a mõndi
« Onu » a nga bõ esoa á mekèn më é sóndõ nyo, á ómös awom ai zëmgbala. Minkóbo mí bëbëgë ǹlómán bëzimbi á Haitia.
nsílí ó në fë na : yi « Oms » (étógan yá taag mam më okõn) a ngá kuí kíng ai « Onu »? Amú « Oms » a ngá dzó yi na okõn kolerá ó dugan yi a só á Haitia.
Ású abui bod, é në zen yi a Áméríka ai bëmvóé bóé yi a « Onu » bá dzëng në bá tõ ású yi na bë zu ai bëzimbi á Haitia. ©Dzaleu.com
Bivegele bi mulu a haitia é mengon me dem lod
