Non classé

Algeria a sili na Afrika a bii mefola mebè a esoa étogan « Onu »

Algeria a sili na Afrika a bii mefola mebè a esoa étogan « Onu »

Sofiane Mimouni, mbege nkobo Algeria a étogan ba loé na « Onu » a nga dzo dzam té a tsisoan New-York (Amerika) ban melu amvus a na.

Asu Sofiane Mimouni, Afrika a dzugi ai tsimi té, nde « Onu » a yene dzeng na a kom mam ékan zen é ne na minnam yi a Afrika mia mi bii afola da yean ai bo a étogan té.

. DZALEU.COM .

Afrika nyè fe a yean ai ngul vot

A étogan « Onu », he minnam mi taan é mi mi ne a esoa memana : Amerika, Rusia, China, nnam Englis ai Fulansi. Asu Sofiane Mimouni, Afrika a yene bii bitoa bibè a esoa memana té.

A dzo fe na Afrika a yene bii ngul vot amu a esoa memana té, nge nnam mbog o kad na wa yebe kig dzom zing, é minnam mivog misikig dzam dang dzam té a yob. E ne édzom ba loé a nkobo mvolyé na « droit de veto ».

Mbege nkobo Algeria a sili fe na « Onu » a ve Afrika bitoa bibè a esoa evog ba loé na « membres non permanents ». E ne esoa é ne amvus esoa memana.©Dzaleu.com