Non classé

Madagaskar : Mbege nkobo nnam a dzê étoa dié

Madagaskar : Mbege nkobo nnam a dzê étoa dié amu a nga loé vot tege sili ndzoé nnam

Richard Randriamandrato, é ngomena a ne king Madagaskar a mominlang, a sikig fe afola té a kègè a sondo melu metan, omos awom ai moomo yi a é ngoan nyi.

Foé e ne na Richard Randriamandrato a nga woé vot é sondo yi amvus a etogan « Onu » tègè sili nnam. Vot té a nga be na Eropa ai Amerika ba soman Rusia ai adzo yi a Ukrenia. A woé, meyong menyi me nga tob na ba kodo Ukrenia asu Rusia (Donetsk, Kherson, Zaporijie, Lougansk).

. DZALEU.COM .

Madagaskar, Antananarivo asikig king ai Eropa a ba Amerika

Asu Eropa ai Amerika, nala osikig dzam boban na é meyong menyi me nga toab ne ba tong Rusia, me kodo Ukrenia. Nde be nga ke ai adzo té osu « Onu » asu yi na é minnam mivog yi a Emominlang be woe vot na Rusia a ne a meku.

Nke abui minnam a nga ke king ai Eropa ai Amerika, minnam awom ai ebul a Afrika be nga ben woé vot té. Minnam mi taan mi di dikig ben ke a etogan té ane Kamerun.

Asu Madagaskar, Antananarivo asikig king ai Eropa a ba Amerika. E nga be nala a mam me covidia. E ne fe nala a adzo Ukrenia. Nala o nga bo na vot Richard Randriamandrato a zu tele nnam Andry Rajoelina (ndzoé Madagaskar) a ndzug zen (…)

Nlang wa ke osu a fulansi muna

Andry Rajoelina, président de Madagascar présente Covid-Organics le remède malgache contre le coronavirus
Andry Rajoelina, mbege edzoe nnam Madagaskar wa lede « Covid-Organics », mebala me nnam asu covidia