Non classé

Fulansi ai ndzeman kalasina be metoa : Ngomana a yalan

Fulansi ai ndzeman kalasina be metoa : Ngomana a yalan

E melu ma a nnam Fulansi, é ne ndzug abui a bi kalasina asu metoa.

Foé é ne na é bod ba sié a é mefola ma duru nkaban kalasina ba dzo na ngomena a yene bo bede moni. Ngekig nala, ba tele ésié.

. DZALEU.COM .

Asu na o bii kalasina be metoa eteteg di a Fulansi, wa yene wulu abui

Mefola mezing bezimbi be ne vala  ne ba bebe za a kus asu yi na te mod mbog mbog a kus nnemena.

Bolo dzam té da tebe kig, nde ngomena a dzo na a zu noang é mvende ya bo na é bod ba sié a mefola me njaban kalasina be ke ésié obili. Afola osu ngomena a bebe é ne asu ésié ba loé na « Esso ».

Ngomena a dzo na mvendé té é ne ai mfi asu yi na te menda mensié me ngomena ma tebe ngekig é menda mensié ba duru mam me dulu ane bensina ngekig be metoa be dob’ro.

A nnam Fulansi, abui memdum étoam adzo kalasina

Dzaag !

A Fulansi, abui bod adandang é ba be bele menda, ba dzeng ne ba kus dzaag asu yi na be belan ai dzo afola é mam mese ba kad yi a so ba belan ai mo. Dzam té a nga bo na dzaag eben é to ya mbe dzia. ©Dzaleu.com – O.B.

Nlang wa ke a fulansi muna