Vladimir Poutine a ve minnam yi á Áfríka ngang

Vladimir Poutine a ve minnam yi á Áfríka ngang

Vladimir Poutine, mbege edzóe yi á Rúsía, âne ai é bëndzoe bëse bëvog á étogan « ONU » ya lodeban é mëlú ma á Áméríka.

Ósúsúa yi nā kë a ONU, Vladimir Poutine a ngá toban ai é bod minnam mifë mía lom a tsísoan Moscou na bë kë tôbô King dzabá (ambassadeurs).

Poutine a ngá noang man abóg ású yi nā a ve Áfrika adandang ǹnám Mali olugu ai ésíé a bô

Ású é bá ba yem kig, Mali ai ba Centrafríka é bô bë tëlë ósú é ndum Áfríka a yidan ai étibili míntángán (Impérialisme) ai é bívíndi bá dzibi noang zen míntángán (endocolons).

Vladimir Poutine a dzó nā ǹnám woé, Rúsía, a yi dugan baag ngul ású yi nā nyè ai Áfríka bë kë ai ǹladán wábá ósú.©Dzaleu.com