Edzoé Mali ya yalan Côte d’Ivoire : Abidjan a yi na a soman bo osu Cedeao
A ewali bivegele dina, monti Maiga, mboag yia é bezimbi be taan be nga noang étoa a nnam Mali, a yalan Côte d’Ivoire. Angogè a sondo melu awom ai nyina, Abidjan a ga kuli nguma ntol ébug a dzo na a yi ke soman Mali osu andzogodo ba loe na « Cedeao. »
Dzam té da bebe é bezimbi mewom nyi ai ebul be ga so a Bamako a ngoan zemgbala tègè yem é dzam be za bo woé. Bese be ne a mimbog, veda Mali a ga yebe na a dzogè bininga belè ya bod beté.
. DZALEU.COM .
Asu Mali, adzo bezimbi beté ya bebe mevendé me nnam
Edzoé Mali ya dzo na Côte d’Ivoire a yene bo okala ai ékan a tsog na a ne dzam ke ai adzo té a Cedeao. Asu dié, Abidjan a yene kig tub bivus bié.
Edzoé Mali ya dzo na dzom zing ya yi kig bo na be tsende zen. ©Dzaleu.com – O.B.
