Nnam Fulansi : Be ngomena bebè ba ben na etsig é suuban a si amu awu nkukuma be englis

Nnam Fulansi : Be ngomena bebè ba ben na etsig é suuban a si amu awu nkukuma be englis

Ndzoé nnam Fulansi Emmanuel Macron é nyè a sili be ngomena bese ya nnam woé nala. A yi na a omos awom ai ebul ya é ngon nyina, asu etoa awu* Elisabeth II, etsig* ya be tsisoan é tobo suuan a si. Asu dié, é ne ndem* olugu asu mininga té.

Veda asu ngomena ya tsisoan ba loé na « Bourges », monti Yann Galut, akia dzam té asikig dzam boban to ane a ne nsamba ai melunga me ayong englis.

E ngomena bè a ben adzo té ane monti Patrick Proisy yi a Faches-Thumesnil. Asu dié, é ne ebomkama. « Yi ba kad suu etsig nnam abog ase bendzoé ya minnam minfe ba wu? »
Nsili monti Patrick Proisy wuili.©Dzaleu.com – O.B.

Ǹtimán Bíbúg (Lexique)

• Etoa awu : funérailles
• Etsig : drapeau