Ntsogan – « Yi mebugeban me Afrika ma yene lod amvus nkodan ongola »?
Nde Afrika a ne dzam bo ya asu yi na mal me tobo a zang mebugeban moé ?
Yi tsisoan a ne ve afola a ne dzam so ai akuma a minnam yi a Afrika?
. DZALEU.COM .
A zang nnam Kamerun, nnam zing o ne ekan bia yene lum mis étéré
A woé, bod yi a nnam té ba bonde akuma he bo beben. Ba bè bidi abi da toang nnam té ose.
Ba kom ve biyé biaba. E mod a nga bonde nnam té a ne nneng é ngobi bivegele e ne a si muna.
Asu mod té, bon be Afrika ba yene fas akiae afé be ne dzam kodo be tsisoan asu yi na be dugan a mal.
Asu dié, nala wa tilan na bon be Afrika be wog yi foa na akuma daba, nfang akuma, a ne a metum maba. Na, zen mintangan esikig enyori na é tobo édzaba. Nala o nga bo na medugan a dzal me to foa é zen osu man Evindi ase yi a Afrika a yene tele ozondom.©Dzaleu.com
