Eropa : Josep Borell mbege nkobo waba a tè é minnam mivog
Josep Borell a ne é mod a bege nkobo asu Eropa a Emominlang.
A sondo melu menyi, a omos awom ai lala, Josep Borell a nga kè na a yi na kuu Rusia wong. Nyè na, nge Rusia a belan ai zigili mengal a Ukrenia, etogan ba loé na « Otan » ya yi nyè lede amala.
Borell a nga dzo bibug bité tègè kad na Rusia a bikig dzo omos zing na a yi belan ai kan mengal té. Rusia a nga dzo ve na, nge « Otan » a dzeng nyè abui, nala o ne dzam bo na a noang é mezen mese me ne dzam kaman ai nyè.
A ewali bivegele é ne a si muna, Josep Borell a tè é minnam mivod, a dzo na mi ne « afan » !
. DZALEU.COM .
Asu Josep Borell, Eropa a ne afola « afan » (é minnam mivog) mia dang kobo
« Eropa a ne man mbembe afub.
Bi nga long man mbembe afub.
Dzom ese ya wulu mvoae. E ne afola ta tele politik ai mebugeban osu mbeng mbeng (…) E minnam mivog mi bele kig akiae dzam té (….)
E minnam mivog mi ne eboal afan. Nde eboal afan é ne bi dzam so daman afub. E bod ba baala afub daan ba yene bo okala. »
E minnam mivog a Josep Borell a loé na « eboal afan » ba yi toone fas bibug bié. Adandang fe na é minnam mivog mi bele mindzug amu Eropa ai ba bobedzang yi Amerika, ba ke ba daman si ese ai bita. Ba bo nala asu yi na ba dib akuma éza minnam. ©Dzaleu.com
