Papouasia Meyimbi-Me-Dzob : Leonie Tanggahma a dang ya
Leonie Tanggahma a nga be nen mininga a zang é bod ba yidan asu fili nnam Papouasia Meyimbi-Me-Dzob. Awu dzié a lodeban a nnam Holland a sondo melu melè yi a é sondo a nga lod.
Leonie Tanggahma a kadege kobo a nda bivegele ba loé na Afrique Media, a ekad mefoé ba loé na « Afrique Me-Diaspora » ai bivindi yi abui minnam asu yi na ba fas akiae afe be ne dzam baman ngul a é dum Afrika ai boan boé yi a man-ayat ba yidan asu fili Si Bivindi.
. DZALEU.COM .
Ban melu osusua awu dzié, Leonie Tanggahma a nga be a Afrique Media
Eyong a nga noang nkobo, a nga dzo abui biyong na Afrika a yene kig voan boan boé yi a man ayat ane Papouasia. Omos wui, bibug memana bié bia kui y’ane a yeme na dzom zing é ne dzam lodeban?
Nsili Minsili Zanga, Bonde Dzaleu a sili wuili a é man ntil a bo eyong a wog foé awu Leonie Tanggahma.
Nnam Papouasia o ne a é si ba loé na « Pacifique », a mbaag nnam ba loé na « Indonésie »
Nnam té wa tibili Papouasie meyimbi-Me-Dzob mimbu mimbu ana amu wa dzo na Papouasia té a wodan ai Indonesia. Bod yi a Papouasia Meyimbi-Me-Dzob ba ba dzo na dzam té asikig boban nala. Nlang wa ke osu a fulansi muna. ©Dzaleu.com
Nlang wa ke a fulansi muna
