Non classé

Rusia a kaman ai zen dzié a étogan « Onu »

Rusia a kaman ai zen dzié a étogan « Onu »

A memana ya é ngoan é nga lod, meyong me bod yi a abui mefola ya Ukrainia be nga ke woe nguma vot asu yi na ba yebe ngekig a ben na minnam miaba mi tobo nladan ai Rusia.

Bod ya Zaporijia, Kherson, Lougansk ai Donetsk be ne avuman ai Rusia, veda mefola meté me nga be me lada ai Ukrainia.

. DZALEU.COM .

« Owé bia yebe nladan ai Rusia ! »

Nala nde bi ne dzam loé vot bod ya Zaporijia, Kherson, Lougansk ai Donetsk. Bese be nga toab na ba kodo Ukrainia asu yi na ba ke koab Rusia. A Donetsk, vot é bod ba yi na nnam waba o tobo ai Rusia e nga kui a ntié 99,23%.

Minnam yi a Eropa ai Amerika besikig king ai adzo té

Asu daba, Rusia a man san Ukrainia bitun bitun, be nga dzo na nala osikig mbeng. Abui bod a nga yalan bo na : eyong bo beben, Eropa ai Amerika, ba ke ba san éza minnam, nde nala o ne mbeng abog té? Eyong be nga san Libya, Sudan, Serbia, yi nala o nga be mbeng?

Bod be nga dzo fe bo na, a Zaporijia, Kherson, Lougansk ai Donetsk, ayong bod nde a yebe na ba tobo ai Rusia. Dzam té a dikig boban obili ngekig a bita. Eyong bod ba bebe mefulu me Eropa ai Amerika, abog ase be kele ba san eza minnam, é nga be a bita ai etibili.

A etogan ba loé na « Onu », Eropa ai Amerika be dzeng na ba ve Rusia mekuu ai evag.* Veda bolo Rusia ane anen nnam ya etogan té, nde a tele dzam té avol avol ai mvot mbenan.** ©Dzaleu.com – M.Z & O.B.

*Résolution
**Droit de veto