Non classé

A bo Rusia bita a ne a bo Afrika bita asu Mohoozi Kainerugaba

A bo Rusia bita a ne a bo Afrika bita asu Mohoozi Kainerugaba, nen bezimbi yi a nnam Ouganda

Mohoozi Kainerugaba a ne moan Yuweri Museveni, mbege edzoe yi a nnam Ouganda, a Afrika Melende-Me-Dzob.

Nen man bezimbi té a nga dzo nala a omos mewom nyi yi a ngoan ebulu yi mbu wuina.

A nga til ébug té a é ndal-bobo ba loé na « Twitter. » Abui bod a nga lang do, be kele ba kab ntil té abui.

« Poutine (Ndzoé ya Rusia) a be bele kig ben na a tele bod a won na a yi bo ngul bita.
Bia wog édzom a dzo. A bo Rusia bita a ne a bo Afrika Bita ! »

Bibug bi Mohoozi Kainerugaba bi nga kui omos fe Abdoulaye Maiga

Ngomena nen Mali, a nga namba Afrika ai Emominlang ase ai ntol ebug a étogan « Onu ».

Mi ne wa dzam vogolo a nkobo mvolyé muna : ntol ebug Abdoulaye Maiga.

A é man ngobi bivegele a ne a si va, Bivindi yi a tsisoan New-York bia ve Abdoulaye Maiga olugu ai metaman asu ntol ébug woe.

Ouganda a ne mfi abui a é zen fili Emominlang

Mintil mi Mohoozi Kainerugaba mi ne é mintil mod ose a yene fas. A Emominlang, minnam mintang (Eropa ai Amerika) be nga fe be bele ngul a tibili é minnam mivog ai moni waba, édzom ba loe na « Dollar ». Amu minnam mise mi yene belan ai moni té, nala o nga ve Eropa ai Amerika mebugeban, veda é minnam mivog adandang Afrika bo be to a meboa.

Asu Rusia ai é minnam mia sié fufulu ai Poutine (etogan be « BRICS »), asu yi na étibili etogan « Otan » (abaa Eropa ai Amerika) é tebe, Emominlang a yene bimi « Dollar » a si. A nkobo mvolyé, ba loé dzam té na « Dédollarisation ».

Asu dzé Ouganda a ne mfi ai adzo té : be ndem soam na Ouganda a bele a si dzié ngul akuma, mvot*. Na, nge ba fag si, mvot té etam etam e ne dzam bo na « Dollar » a tobo dzam yi a okoba. ba dzo na mvot té e ne dzam bo mekuda biyong mekuda mewom lè*.©Dzaleu.com

*Ǹtimán Bíbúg : Mǝnen mǝtaŋ á Ǹkɔ́bɔ Bǝtí