Robert Dussey, mbege king Togo a Emominlang a dzo na Afrika a yi kig fe minal
Mbege nkobo Togo a nseng yi a Emominlang a nga be a tsisoan New-York (Amerika) asu étogan « Onu ».
Eyong awola nkobo woé o nga kui, Robert Dussey a nga kobo foa a ne é mod a kaman ai fili Afrika.
Asu Robert Dussey, Afrika a yi kig fe minal yi a é minnam mivog
Ntsogan osu wuili a bibug bi mbege nkobo yi a Togo. Asu Robert Dussey :
« Afrika a yi kig fe na a tobo vala ve na a ke a tong é minnam mivog, adandang é minnam mia dzo na é bo ba dzoé Emominlang. Minnam mité mia yi na Afrika a bo ve édzom é ne bo ai mfi, to Afrika nyè a yen kig mfi zing étédé. Minnam mité mia yi na Afrika a tobo ve ane mongo bisié waba. Ba yi kig na Afrika nyè a bed a yob. Be to vala ve na ba tindi Afrika a soa nyièn a memdum maba. »
Dussey a soaman abaa esoa etogan ‘Onu »
Mbege nkobo yi a Togo a ne king ai ngomena nen yi a Mali, Abdoulaye Maiga. Nyè fe a nga kobo abui a etogan « Onu » té. Asu Robert Dussey :
« Eyong n’woan vot wa zu a abaa esoa etogan ‘Onu’, nala na é minnam mintangan mi ne été mi nga dzeng Afrika abui. Bo bese ba wulu nyè amvus à ne fam ya dzeng mininga amvoé. Bevog ba ke kè na ba bo nyè wôn. »
Asu Dussey, fulu té ya yene tebe, « Afrika a yene sié fufulu ai é meyong mevog tege voan mfi dzam té da ve nyè. »
Mbege king Togo a nga ke ai ntsogan té osu a man ntil a ndal-bobo ba loé na « Twitter ». Etédé, a nga til na Afrika asikig Afrika-Fulansi ngekig Afrika-Englis, Afrika a ne AFRIKA boan yi a si Afrika, abim té.
