Non classé

TCHAD : Mahamat Deby a të tëlë étíé éfé?

TCHAD : Mahamat Deby a të tëlë étíé éfé?

Nguma mbu o lod ya ntie a na ésía Mahamat Deby, ndzóe yi a Tchad, a ngá wú. Simëzán : é ne a ngoan nyina yi a mbu o ngá (2021) lod nde bod bë ngá wóé Idriss DEBY.

Ású é bívíndi bá loe na bë « Panafricanistes », a në be fulansí é bô bë ngá dudu ndzóngó dzam té ású yi nā bë kë ai wub akúmá Tchad ósú, amú Idriss a yi kig fë yëbë na ǹnam wóé o tôbô zen bë fulansí á mbë esíé dzábá, a fudi ebulgandzanga bifa bisë a Afrika.

Yi Mahamat, moan Idriss DEBY, a ne kíng ai be fulansí

Nsílí abui bod bá sili wuili amú mimboán mí Mahamat míá bô na bë kam. Yi a tong zen ésía ngekig na a në a zen míntángán yi a Érópa ?

Ású té nkodán etoa ngomena Cherif Mahamat Zene, é mod a kaman ai kíng Tchad a minsëng mí Émominláng, dá bô na minfasán mí bod mi nen. Adandang fë na Cherif Mahamat Zene a ngá bë babi ai Idriss DEBY, a tô fë babi ai bod yi a Rúsía. © Dzaleu.com

.