A la une, Culture, EKANG, Lire, Top news

Mbǝmbǝ mkpámáŋ mbú á Dzaleu.com !

Mbǝmbǝ mkpámáŋ mbú á Dzaleu.com !

Anzongondo ya Dzaleu ya tam mina bese mbembe mbu !
Abui mam da zu osu !

Dzé bia yi mina lede ngekig a komezan a afola dina mbu wuina?
Ane bia dzô, abui mam da zu à zen. Edi osu, afola bia loé na PREMIUM. Dzam té da yi bia ve zen a tele mimkpamang mi mam ozondom. PREMIUM a yi fe mina ve zen asu yi na miafe mi ve bia ngul.


Veda osusua ne mam meté mese ma kui a nseng, bia kèè mina kab ntol ebug mbondé Dzaleu (Minsili Zanga). Ntil té o ne a Fulansi ai à nkobo English a nda dzié muna : www.minsilizanga.com.

Azania (recueil de nouvelles) Minsili Zanga Mbarga - Librinova juillet 2020

Dzé a dzo bia?

Ne mbu wa tadi wuina o tobo bia ndzalan ai mvoae, eding ai mebugeban. Ne mintsogan mian mi tobo ndzalan ai é mefulu me netetele. Ne mintsogan mian miben mi tobo fe tetele.

A dzo fe na te bia dang sili édzam da yi bia kad mboan. Bi loé a binying bian é mam bia yem na bi bele ngul a bo mô. Adang fe bo na, bi yem kad fombo ai à tône fas é am ma lodeban à Emominlang muna. Bi tam kad tele mimbarga ai é mintsogan misikig ai mfi a baag.

Bia dugan mina tam mbembe mbu !

Mi tobege mvoae é mina bese mia tong bia a Dzaleu.net ayi é mefola mese bine ane Instagram, Twitter, Facebook, YouTube.

Bia dugan bag na te mia voan, abui mam ma zu a Dzaleu.
E bod be ga yii yi na ba yem tsetsat dzé bia dzo, be ne dzam tiliban a ngobi mefoé dzaan : NEWSLETTER. O.B. & A. Bikanda

A lang ntil wia nkobo Fulansi
(Lire cet article en Français)

Les coups de cœur de la rédaction

retour au haut de page
%d blogueurs aiment cette page :
je-m-abonne-a-dzaleu-button
Abonnement illimité à 1 €/mois