MƎTUM, Mibándá

Alima ai ǹkúkúmá yi a máŋ : Ǹláŋ bə mamawadá

Illustration d'une mamiwata (sirène africaine)

Alima ai ǹkúkúmá yi a máŋ : Ǹláŋ bə mamawadá

Alima bâ bətɔbɔ yī á məndím sí: dzǎm bə mamawadá

Dzé yǎ mīná yi láŋ é kalada nyi:

Á mvús awú nyīá ńdo Alima a tádi eyə́gan yī áyǎb Dulu yǎ dá yī kódo ai nyé á ǹlɔ̌ŋ nǎ dá kə kúí ai nyé éfas yī á máŋ mə́ nə́. Éyɔŋ ǎ túlan yǎ ábóŋ máŋ ńdo ǎ suan á Malobé, mǎn dzǎl a tɔ̌ á zie été, mál təgɛ fə kə á máŋ.

Atɔbɔ ǹnama m̀bɔ́g yī á édzǎl dī a ngá tsam átsiŋ yǎ dá ngá bə́ dá tsindigi bɔ́ ai áyɔ̌ŋ da tɔbɔ á məndím sí dzóé ná bə mamíwatá. Ǹtsíe a nə́ nálā ó ngá bɔɔban, ngul eyɔg ya namba Malobé dzam də́dā a nə́ é mǎl mə́sə yī á ngɔ́rɔ́. Yi biá bí Álima bíá yi á fɔ̂g bɔ ngul yi á suí mīǹkúkúmá ai bədzóe bə́ máŋ mīǹnə́m á sí á sú yī nâ mvoaé é dúgán sɔ́?

Alima et le Prince de l'Océan - Roman Jeunesse - Minsili ZANGA

Ǹtsili é Kálada nyi a dzó nâ:

« Mə ngá tsil é kálada nyí á mvús dulu ziŋ á Nord yī á Kamərún a tárgi á Waza mə lodo á Rumsiki a kə́ kui á ńnyie ǹnǎm Kamərún ai Tchad. Mə ngá ku məvə̌m (mə ngá bə́ á minkámág ai é mam mə ngá kə ma yén wé) ai é mam mə ngá kə ma yén wé. É kálada nyi a nə ma á nə́ məladán mə́ Nord ai Sud á édzi dá bəbədzǎm bəmamáwada yǎ bia bə́sə bíá yəm. »
(Minsili Zanga)

É kálada nyí, « Alima ai ǹkúkúmá yi a máŋ » a ngá bi é mân mə́ ósú á m̀bú 2002 á mám bə́káladabə́ bɔ́ngɔ́ ḿfág yī á Île Maurice. ©Dzaleu.com

A kus « Alima ai ǹkúkúmá yi a máŋ »
Illustration d'une mamiwata (sirène africaine)
retour au haut de page
%d blogueurs aiment cette page :