Amerika – Ngul metaman asu Abdoulaye Maiga, ntol ngomena yi a Mali
Nkobo té o ga dzoban a seradè, omos awom ai nyina yi a ngon ebul yi a mbu wuina. Abdoulaye Maiga, mbog yâ benen bezimbi be bele édzoé a Mali, a nga be a étogan « Onu » a tsisoan New-York.
A ntol ébug woé, Abdoulaye Maiga a nga kobo foa a ne nfang mbege kobo, bevog be ne ben dzam dzo na, a a nga kobo ane nfang zomloa.
Tebe osu yi a « Onu » (Antonio Guttierez man Portuges), bendzo yi a Afrika meyimbi-me-dzob* ane Bazoum (Niger), Emballo (Guinea Bisau) ngekig Ouattara (Côte d’Ivoire), Abdoulaye maiga a dikig bo vus ai bibug bi bebela. Fulansi fe a bii bebela woé, asu Abdoulaye Maiga, é bod ba dzoé Fulansi ba sié kig asu be Fulansi. ©Dzaleu.com – O.B.
Bod yi a Mali ai é Bivini bivog ya tsisoan New-York ba taman
Abdoulaye Maiga amvus nkobo woé a étogan « Onu »
Ewali evegele ntol ebug Abdoulaye Maiga ase
*Ǹtimán bíbúg : Biyole mǝfóla yi a Afríka