Non classé

Abdoulaye Maiga, ntol ngomena yi a Mali, a bele melebega mebè asu é bod ba simezan étibili é minnam mivog

Abdoulaye Maiga, ntol ngomena yi a Mali, a bele melebega mebè asu é bod ba simezan étibili é minnam mivog

Abdoulaye Maiga, man bezimbi yi a é ba be taan be nga noang étoa a Mali, a ne ntol ngomena yi a nnam té a kège a ne Choguel Kokalla Maiga a nga kuu okoan.

Abdoulaye Maiga a ve kobo ana, seradè, omos mewom bç ai nyina yi a ngoan ebulu, a étogan ba loé na « Onu ». Abdoulaye Maiga a ne woé ai be ngomena befe yi a Mali ane Abdoulaye Diop, é mod à mbege king Mali osu Emominkang ase.

Alebega osu

« Bi ni nnem eding. Te mia bo é bod bevog é dzom mia yi kig na be bo mina ».

Ebug té é ne asu minnam mintangan, é bo be ne na, ba ke ba tié bita eza minnam tege bisi mewu. Veda eyong ya namba bo, ba yi na si-ndon ese é wog bo ngoal. Nala o ne nnem asum. Abdoulaye Maîga, to ane a dikig tud eyolé zing, a dzo a nkobo nyamodo na minnam mintangan mia yene tsende fulu té.

Alebega bè

« Dugan yen ékan mia bo mam. Dugan yen mefulu maan. Dzogni mefulu me asum, mefulu yi okoba eyong mi tibili bod. Wogeni king ai olun Afrika, a mal ane a be tsisoan (…) E dzam da lodeban woé (Bivindi bi teg ya ai étibili mintangan) a sikig é dzam é ne dzam tebe. YA YI KE VE OSU ! »

Abdoulaye maiga a dzo fe na Mali a bele é mam ma lede na nnam Fulansi nge o ne amvus é bod ba degele a Sahel, be « terroristes. » Asu té Bamako a nga soaman Fulansi osu Onu. ©Dzaleu.com – M.Z.

Nkobo Abdoulaye Maiga ose o ne a évegele dina