Mali : É minnan mí ngá tíbili Bivíndi míá yënë tëlë fudi anyu á mam më tëtëlë
Ású Bamako, é mínnam mí ngá bii mëbugëban ámvús etíbílí é mëyong mëvog míá yënë dib anyu éyong bod bá fas mam më tëtëlë á Émominláng.
Ású Abdoulaye Diop, mbëgë nkóbo Mali á nsëng minnam : « Mam më tëtëlë më síkig ngúma dzam vë ású Eropa ai Amërika. Mali á yi kig na minnam míté mí sobo ámvús mam më tëtëlë ású yi na bë dëgëlë é mínnam bá dzëng në bá tíbili.
É në man nkënga éyong é mínnam mí ngá bii mëbugëban ámvús etíbílí é mëyong mëvog míá dzëng në mia kad é bod bë ngá dzugi ai etíbili dzábá bóló mam má yënë wulu. » ©Dzaleu.com
. DZALEU.COM .
